Húnaþing vestra er mikið landbúnaðarhérað, sauðfjárrækt í miklum blóma, sem og hrossa- og nautgriparækt. Á Hvammstanga er starfrækt öflugt og vel útbúið sláturhús, eitt af þeim betri á landinu, þar sem slátrað er u.þ.b. 70 þús. fjár á ári, auk þess sem þar fer fram heilmikil stórgripaslátrun. Hér á staðinn hefur hins vegar vantað aðila til þess að sjá um að vinna kjöt fyrir einstaklinga, og auðvitað hópa og fyrirtæki, þar sem í boði væri persónuleg þjónusta og fjölbreytni í vinnslumöguleikum. Því var Kjöthornið sett á laggirnar, þar stendur íbúum héraðsins, og utan héraðs, að sjálfsögðu, til boða að láta vinna fyrir sig kjöt, koma með skrokka eða skrokkhluta, sem þar eru þá teknir og unnir eftir óskum, úrbeinaðir, sagaðir, kjöt hakkað, kryddað, saltað og pakkað, allt eftir þörfum hvers og eins.

Reyking er þó ekki í boði, a.m.k. ekki fyrst um sinn (hins vegar er allsstaðar verið að reykja kjöt, allt í kring, auðvelt að verða sér úti um reykingu svosem)

Húnaþing vestra er mikið landbúnaðarhérað

Svo stendur fólki einnig til boða að kaupa kjöt í Kjöthorninu, sá möguleiki er þó meira hugsaður fyrir þá sem þurfa að kaupa inn í einhverju magni, t.d. fyrir ferminguna.

Þó er vert að skoða nautapakkana í valstikunni hér að ofan, undir "Pakkar" það er sígilt efni....

Nú þegar ný og glæsileg heimasíða er komin í gagnið vill Kjöthornið vekja athygli á því að heiðurinn af síðunni á hún Nitta, eða Kristín Guðmundsdóttir okkar hér á Tanganum. Hún er búsett í Danmörku og leggur þar stund á nám í margmiðlunarhönnun. Neðst á síðunni má sjá nafnið, Nitta, á það er um að gera að smella og sjá hvert það leiðir mann!